Það er alveg að koma að þessu :D

Ég veit að ég er á leið í verslunarferð til Glasgow, ég fór í Bónus og fyllti heimilið af mat svo það væri eitthvað til á meðan húsmóðirin væri að heiman. Samt fékk ég áfall í kvöld hvað tímanum líður, allt í einu er bara að koma að þessu og ég átti eftir að skrifa niður hvað alla vantaði, í hvaða stærðum og bara fara yfir þetta allt og hvernig þetta á að vera!!

Ég er búin að vera á fullu að læra undanfarna daga, til að geta farið í þessa ferð og hef bara gleymt að fylgjast með að tíminn flýgur áfram.

Það var námslota á Akureyri núna um helgina, sem ég komst ekki í. Það er skyldumæting í lotur þó við séum í fjarnámi, núna var skil á 20% verkefni + 5% fyrir mætingu. Og við sem komumst ekki missum 5 prósentin og getum bara fengið helminginn af 20% einkunninni :( Svo þó maður fengi 10 fyrir verkefnið þá yrði einkunnin bara 5! :( Þurfti smá stund til að syrgja þetta tap ;)

En annars þá hentist ég í það í kvöld að skrifa grófann innkaupalista og fatastærðir, prentaði út farseðla og fann til töskuvogina, er maður þá ekki bara góður :D

Ekki alveg svo gott, þar sem það er endalaust mikið að læra í þessu námi og ekki séns að taka sér daga í frí án lærdóms, þá tek ég fartölvuna með mér út og 2 námsbækur. Sem er svolítið slæmt því þetta tekur af farangursþyngdinni á leiðinni heim ;)

Undanfarið þegar ég hef farið erlendis eingöngu gagngert til að versla, þá versla ég frá morgni til kvölds, fer upp á hótel, læri fram á nótt og svo sama rútína daginn eftir....... þetta er mun skemmtilegra en það hljómar hahaha :D

En annars er ekkert að frétta í raun, helgin hér heima var drullupollar, smalamennska, góður matur, lærdómur og upphugsa sniðugar jólagjafa hugmyndir...

Sóley snillingur stóð fyrir fénu, með yngstu deildina með sér ☆

Þau eru æði :D

Svo dugleg! ☆ ☆ ☆

Myrra Venus með gamla húfu af systur sinni. Eins og hvað það er nú æðislega sætt og sniðugt að hafa börnin í merktum fötum þá er það ekki alveg jafn sniðugt þegar fötin ganga til næstu barna ;) En þessi húfu er bara notuð heima við, þó hún sé æðislega falleg, nafnið á barninu er bara ekki rétt stafað ;)

En mér finnst merkt handklæði til dæmis æðisleg. Börnin mín eiga öll þannig og mér finnst æðislegt að gefa börnum merkt handklæði því þau endast börnunum í mörg ár.

Það er gat á þakrennunni á húsinu, svo í rigningu myndast dásamleg vatnsbuna í garðinum hjá okkur og krakkarnir geta dundað sér þar endalaust lengi að leika sér og sulla, ég held að við (eða kannski bara Albert ;) munum ekki gera við þetta fyrr en börnin eru orðin eldri, sökum skemmtanagildis :D

Hér er sko hægt að sulla og dunda sér :)